O Concello de Meis deu hoxe por definitivamente enfilado o concurso de licitación para formalizar un novo arrendamento do bar ubicado no corazón da Ruta da Pedra e da Auga. A alcaldesa, Marta Giráldez, deu por gañadora a que se revelou como oferta máis ventaxosa desde o punto de vista económico. 

Este licitador comprométese a pagar ao Concello un canon anual de 19.800 euros, máis de cinco veces por enriba dos 3.500 euros máis IVE que a entidade local estableceou como mínimo, no prezo base de licitación. O novo adxudicatario terá agora que instalar a cociña e o mobiliario.

Cinco ofertas admitidas

A alcaldesa tamén indicou que se presentaron un total de seis ofertas, aínda que só cinco se admitiron, xa que a sexta entrou fóra de prazo. 

A intención do goberno local é que o establecemento poida abrir xa neste verán.