A Concellería de Cultura de Vilagarcía abre o prazo de inscrición para participar na Festa dos Maios, que terá lugar o domingo 1 de maio no Parque de Miguel Hernández, a partir das 11:30 horas, coa exposición dos traballos florais e a interpretación das cantigas satíricas. Os maios poden presentarse nas tradicionais cinco categorías: Cónicos, artísticos, cruz de maio, caixa e barco.

Os interesados deben anotarse nas oficinas da Concellería de Cultura, de luns a venres, en horario de mañá. O prazo conclúe o 17 de abril. En caso de choiva, a celebración trasladarase á Praza da Peixería. Os premios serán: Sen letra, 80 euros e rosca; con letra e cun mínimo de 10 persoas, 100 euros e rosca; con letra e máis de 25 persoas, 150 euros e rosca. Asimismo, os participantes que conten con máis de 4 integrantes e presenten letriña, 40 euros e rosca na modalidade de cruz de maio e 30 euros máis rosca nas de caixa e barco.